News and Events
Англи үсэгтэй шинэ жолооны үнэмлэх
- Date : 2023-09-18
- 조회 : 985
БНСУ-д 2019 оны 9 сарын 16-ны өдрөөс эхлэн олон улсын жолооны үнэмлэхгүй ч, гадаадад оронд жолоо барих эрхтэй англи үсгээр хэвлэгдсэн жолооны үнэмлэх бий болгосон байна.
Уг жолооны үнэмлэхний урд тал нь солонгосын жолооны үнэмлэхтэй яг адилхан бөгөөд хойд тал нь англиар бичигсэн аж.
Энэхүү англи үсэгтэй жолооны үнэмлэхээр гадаадын 33 оронд жолоо барих эрхтэй болно. Үүнд Англи, Финлянд, Дани болон Швед, Сингапур болон Австрали, Шинэ Зеланд, Канад зэрэг Ази, Америк, Европ, Африкын улс орнууд багтсан байна. Энэхүү үнэмлэхийг авах хүсэлтээ (солонгос даяар) жолооны шалгалтын газруудад очиж гаргавал тухайн өдрөө шууд авах боломжтой.
Жолооны шалгалтын газар хол бол өөрт ойр цагдаагийн газар очиж хүсэлтээ гаргах боломжтой бөгөөд энэ тохиолдолд 14 хоног шаардагдах юм байна.
Мөн зам тээврийн газрын '안전운전 통합민원' сайтаас хүсэлт гаргаж болох юм байна.
Үнэмлэхний үнэ 10,000вон (шинжилгээний үнэтэйгээ нийлээд 15,000вон), хүсэлт гаргахад шаардагдах материалд солонгос жолооны үнэмлэх, гадаад пасспорт, 6 сарын дотор авахуулсан 1 хувь гадаад пасспортын зураг байхад болох аж.
Одоогоор гадаадын 33 оронд энэхүү үнэмлэхээр жолоо барих эрхтэй ч, цаашдаа олон улсуудтай гэрээ тогтоосноор жолоо барих боломжтой орны тоог нэмэх юм. Уг үнэмлэхээр тухайн гадаадын орнуудад түр хугацаагаар оршин суухад жолоо барих эрхтэй бөгөөд хэрэв гадаадад 3 сараас илүү хугацаагаар амьдрах бол тухайн орны жолооны үнэмлэхийн авахыг зөвлөж байна.